Bangalore leh Delhi an che ṭha

Indian Premier League-ah Delhi Capitals leh Royal Challengers Bangalore ten Inrinni khan an khingpui an hneh a, vawi li khelhah vawi thum ve ve chakin table-ah pakhatna leh pahnihnaah an awm. Zanin dar 7:30 hian Bangalore leh Delhi te hi Dubai International Stadium-ah an inkhel ang. 

Sharjah Cricket Sta-dium-ah Delhi Capitals-in run 228/4 an siam a, Shreyas Iyer-a'n run 88 siamin a thi lo. Kolkata Knight Riders-in run 210/8 zet rawn siam mah se target an umpha lo a, run 18-in Delhi an chak.

Sheikh Zayed Stadium-ah Rajasthan Royals leh Royal Challengers Bangalore te an inkhel a, Rajasthan-in run 154/6 an siam. Bangalore tan opener Devdutt Padikkal (63) leh captain Virat Kohli (72*) te an che ṭha a, run 158/2 siamin wicket 8-in an chak.

IPL inkhel dangah Zirtawpni zanah Sunrisers Hyderabad-in (164/5) Chennai Super Kings (157/5) run sarihin an hneh bawk.