Santosh Trophy 2023

India rama state hmanga football inelna sang ber Santosh Trophy hi inelna kalphung thlak hret hret a ni ṭhin. Kuminah hian final round thlengtu tur Arunachal Pradesh bakah nikum finalist Karnataka leh Meghalaya te tan group stage khelh a ngai lo.

Final round-ah hian team 12 an awm dawn a, team pathum an awmsa tawh avangin hmun ruak pakua a la awm. India rama state, union territory bakah institution (Services, Railways) team 36 chu group parukah ṭhen an ni.

Group tin aṭangin a sang ber ṭheuhin final round an lut nghal dawn. Pahnihna zinga paruk zinga tiṭha pathumin final round an lut leh bawk ang. Points a pawimawh hmasa ber a, a dawtah goal difference, chumi zawhah chuan goal khung tam dan en leh tur a ni. An inag cheu a nih chuan ṭhum vawr hmanga chinfel a ni ang.