South Africa-in Australia an sawp

Cricket World Cup 2023-ah South Africa chuan October 12, Ningani khan Australia chu 134 runs-in an hneh. Aussies tan mualphona a tling a, World Cup-a an chak loh chian ber ṭum a ni.

South Africa hian Australia an hneh hma hian Sri Lanka an hneh tawh a, inkhel pahnihah Quinton de Kock-a'n century a siam ve ve. Proteas hian Ekana Sports City, Lucknow-ah 311 runs an siam.

Australia top order an che chhia a, Marnus Labuschagne-a'n 46 siam mah se chakpui tham a ni lo. Fast bowler ṭha mi Kagiso Rabada-a'n wicket thum a la a, Australia hian 177 runs chauh an siam a, South Africa chiang takin an chak.

Player of the match Quinton de Kock chuan, "Hnehna hlu tak a ni. Kan khelh danah kan lawm a, chutihrualin match hnih chauh kan khel tih hriat a ṭha. World Cup hi chu a mak a, thil hi a inthlak danglam hma êm êm a ni," tiin a sawi.