Lewy tel loin Poland chak

Poland-in hliam vangin an thiampuipa Robert Lewandowski chhawr thei lo mah se, team tenau Faroe Islands laka hnehna chang turin harsatna an tawk lo - Sebastian Szymanski leh Adam Buksa goal hmangin 2-0 in an chak a, beiseina a la thi lo.

Chutihrual chuan Poland awmna group hi a la 'hot' hle - group E-ah hian Albania chuan point 13 neiin hma an hruai mek a, an hnuai chiahah point kua nen Poland an awm - Czech Republic leh Moldova ten point riat ve ve an la nei bawk a, a la ngaihnawm dawn chauh.

Albania hian Ningani zan inkhel dangah 3-0 in an mikhual Czech Republic chu an sawp a, Jasir Asani-a'n goal hmahruai a khung hnuah Czech forward Mojmir Chytil chu hnawhchhuah a ni a, mikhual team an tho leh tawh lo. UAE Pro League club Baniyas forward Taulant Seferi chuan goal hnih a khung zui a, chiang takin Albania an chak.