Turkey beiseina a nung

Euro 2024 khel turin Turkey-in kawng dik an zawh zel a, Ningani zan khan team ṭha Croatia chu 1-0 in an hneh - inkhela goal awmchhun hi Bars Alper Yilmaz khung a ni a, Galatasaray winger goal khung hi team ṭha zawk Croatia-in an chhanglet thei lo.

Turkey-in hnehna an chan avangin group D-ah point 13 nen hma an hruai nghal a, an hneh tak Croatia hian point 10 neiin pahnihna an ni - match khatin an khel tlem zawk thung.

Pathianni zanah ram pahnih hi an inlan zui dawn a, Turkey hian zan dar 12:15-ah Latvia an mikhual ang a, Croatia hian zan dar 12:15-ah vek Wales an lenchilh ang. Wales hian match nga an khelh aṭangin point sarih an nei mek a, beiseina an la nei ve zel.