Semifinal-ah Dimitrov a lut

Tennis inelna Sanghai Masters khelh laiah, nimin tlai khan champion tura rinkai zinga mi Grigor Dimitrov chuan Nicolas Jarry chu 7-6(2), 6-4 a hnehin semifinal a invaw kai.

Dimitrov hian a match hmasa lamah Carlos Alcaraz a lo hneh tawh bawk a, quarterfinal inkhelah pawh hian a tir aṭangin a nghet ṭha hle. Set khatnaah tie break khelh ngai ve mah se, set hnuhnung zawkah chuan harsatna a nei tawh lo.

Kum 32 mi Dimitrov chuan, "Hlauthawng miah loin ka khel thei a, inrintawkna sang tak nen tennis court kan lut a nih chuan hnehna chan pawh hi a awlsam phah ṭhin," tiin a sawi.

Nizan khan quarterfinal lehlamah Andrey Rublev leh Ugo Humbert te an inkhel a, result kan hre hman lo thung.