Hammers lakah Foxes an mualpho

Leicester City-in Manchester City 5-2 a an sawp hnuah an khelh ṭhat an chhunzawm thei lo a, nizan khan an mual King Power Stadium-ah West Ham 3-0 in an hneh lo.

Hammers hian Michail Antonio hmangin minute 14-naah hma an hruai a, Pablo Fornals-a'n minute 34-naah a khung belh. Foxes-in second half-ah nawr viau mah se goal chance ṭha an insiam thei lo. West Ham winger Jarrod Bowen-a'n minute 83-naah chak nemnghehna goal a khung a, counter attack aṭanga a khung a ni.

Foxes tlarhma a bil a, minute 90 chhungin target-ah an pet lo. Man City laka hattrick siamtu Jamie Vardy pawhin hun tawp hmain keeper chiah hmachhawn mah se goal zawnah a pet lo. Injury time-a Harvey Barnes-a goal khung pawh VAR hmanga ennawn a nih hnuah offside vangin pawm a ni lo bawk.

Inkhel dangah Southampton-in West Brom 2-0 in an hneh a, Moussa Djenepo leh Oriol Romeu ten goal an khung. Saints-in match li aṭangin point ruk an hmu a, kai thar Baggies erawhin point khat chiah an la hmu a ni.