Twenty20 World Cup squad India-in a puang

India chuan March 8 aṭanga khelh ṭan tur Twenty 20 World Cup squad chu an puang a, he squad hi February 19 aṭanga khelh ṭan tur 2016 Asia Cup squad tur a ni nghal ang.

Senior player tun hnaia khel tam lo zingah Yuvraj Singh, Ashish Nehra leh Harbhajan Singh-te chu koh zingah an tel a, Australia-a series khelh zawh taka khel ṭha tak rawlthar duhawm pahnih Jasprit Bumrah leh Hardik Pandya-te chu koh tel an ni bawk.

Beisei loh takin Mohammed Shami chu koh zingah a tel a, kum 25-a upa fast bowler hi Asutralia-a series khelh a nih pawh khan hliam vangin a inlan thei lo a ni.

India hian Asia Cup khelh
ṭan a nih hmain Thawhlehni zan khian Twenty20 series match thum khel turin Sri Lakna chu MCAC Stadium, Pune-ah an match hmasa ber an khelhpui ang.

India Squad chu: Mahendra Singh Dhoni (c), Rohit Sharma, Shikar Dhawan, Virat Kohli, Suresh Raina, Yuvraj Singh, Ajinkya Rahane, Ravindra Jadeja , Hardik Pandya, R Ashwin, Harbhajan Singh, Jasprit Bhum-rah, Ashish Nehra, Pawan Negi, Mohd Shami.