SAG-ah India an chak lo

India U23 national football team chuan South Asian Games 2016-a an match hmasa berah Sri Lanka 1-0 in an hneh lo.

February 6, Inrinni tlai inkhelah India-in goal khung theihna tur half chance insiam nual mah se Sumeet Passi, Lallianzuala Chhangte leh Rowlin Borges te'n an hun ṭha neih an hmang
ṭangkai thei lo. Sri Lanka-in minute 12-na lekah Zarwan Johar hmangin goal an khung a, hei hi inkhela goal awmchhun a ni.

Guwahati-a inkhelah India U23 coach Lee Johnson-a'n kum 23 aia upa player pathum chhawr thei mah se Rowllin Borges chiah starting XI-ah a thlang a, Lunglei rawlthar Lallianzuala'n bul a
ṭan bawk. India team tan hian defender Sandesh Jhingan chu captain a ni a, amaherawhchu Kerala Blasters defen-der hi inhliam vanga zawnchhuah niin Feb-ruary 10-a Maldives an hmachhawn hunah a inlan thei kher lo ang.

India hi Group A-ah Sri Lanka leh Maldives nen an awm a, a sang pahnihin semifinal an lut ang. Vawiin tlai dar 5 hian Sri Lanka leh Maldives te an inkhel ang a, a sang pali zinga tel turin Sri Lanka tan point khat hmuh a tawk.