Monaco chak hram

Inrinni zan Ligue 1 inkhelah AS Monaco chuan substitute Tiemoue Bakayoko goal khat khung hmangin Nice lakah 1-0 in hnehna an chang hram.

French Ligue 1-ah Paris Saint-Germain chuan hma an hruai fal tawh em avangin Monaco tan champion a beisei awm tawh hran lo, mahse season thara Champions League khel thei turin a sang thei ang bera awm an mamawh thung.

Monaco hian match 25 khelh tawh aṭangin point 45 an hlawh chhuak tawh a, hmahruaitu PSG nen an inthlauhna chu point 21-ah an sawr zim rih. Mahse an inthlauhna hi nizan PSG inkhel result a zirin a danglam leh thei ang.

Inkhel dangah Lyon chuan Angers lakah 3-0 in hnehna an chang ve bawk a, point 34 an hmu ve tawh bawk.