United-in Neymar an dawr tawh

Barcelona forward Neymar-a pa Neymar Santos Sr. chuan a fapa chu nikum nipui lai khan Manchester United-in lakluh tuma an lo dawr tawh thu a sawi chhuak a, English club hian pound maktaduai 144 lai thehchhuah an in-huam niin a sawi.

Neymar-a pa chuan, "Nikum transfer lai khan Manchester United hian pound maktaduai 144-in Neymar hi lakluh tumin an lo dawr tawh a ni," a ti.

Santos chuan a fapa hmalam hun chungchang sawi chhunzawmin, "Tun hnaiah Neymar hian con-tract thar la ziak lo mah se kum hnih lai contract a la nei a, Nou Camp-ah hian a hlim em em a ni," tiin a fapa chuan Barcelona chhuahsan tumna a neih loh thu a sawi.