Arsene Wenger-a'n China a vei

Tun hnaia Europe player langsar tak takin China an pan chu Arsenal manager Arsene Wenger chuan a ngawih bo pui thei tawh lo.

Chinese Super League (CSL) club Jiang-su Suning, Guangzhou Evergrande Taobao leh China Fortune Hebei te tun hnaiah an che na a, Ramires, Jackson Mar-tinez, Alex Teixeira leh Gervinho te chu China lamah an hruai chho thei.

Zirtawpni khan Jiang^-su chuan Liverpool nen an inchuh lai Alex Teixeira chu Shakhtar Donetsk aṭangin pound maktaduai 38.4-in an la lut a ni.

Brazillian Teixeira hian Chelsea midfielder hlui Ramires (£25m) leh Jackson Martinez (£31m) te man chu a rawn khum ve leh a, tun hnai ni rei-lote chhungin Chinese football-in Asian football transfer-a player man to record vawi thum an siam a ni.

Gunners manager Wen-ger chuan, "A lan dan mai chuan China hian an sum hmangin Europe-a player ṭha tu pawh mai hi an lalut thei a ang tawh a, Premier League pawh hian chu chu a ngaihthah thei tawh bik lo. An dinhmun hi hre thuk lutuk lo mah ila an politics inlum let vel nen hian mutmawh hnarmawha neih a ṭul," tiin a sawi.