Ka lo kir thuai dawn - Mourinho

Jose Mourinho chuan inelna hmachhawn tura football team enkawl hna a thawh leh thuai tur thu a sawi.

Hetih lai hian Manchester United manager Louis van Gaal chuan tun hnaia amah thlaktu tur anga an sawi Chelsea manager hlui hian a dinhmun a luahlan a rin loh thu a lo sawi ve bawk.

Dutch manager hian Old Trafford-ah duh-thusama result ṭha a neih loh bakah a naute a khelh tir dan phung avanga mi tam takin an sawisel avangin a dinhmun hi a him bik loa ngaih a ni.

Van Gaal chuan, "Ka chungchangah thuthang a tam viau a ni thei, mahse Mourinho leh United ten inlaichinna an lo nei ru reng tawh nia sawi hi chu ka ring thei lo a ni," tiin a sawi.

Nikum December thla khan Premier League champion Chelsea chuan Mourionho hi an ban a, hemi hnu hian mumal taka a club enkawl tur sawi a la ni lo a, a ai-awh-te leh Manchester Uni-ted thuneitute an inbia tih thawm a awm laiin Por-tuguese football manager hian Inrinni zan kha chuan Greman-ah Borussia Dort-mund leh Hertha Berlin inkhel a en daih thung.

Kum 53-a upa Mou-rinho chuan, "Inelna hmachhawn duh mi ka ni a, kar tin maia inel duh mi ka ni. Ka lo kir leh thuai dawn tih hi ka sawi duh a ni," tiin football khawvelah a lo kir leh thuai tur thu a sawi.

Mourinho chuan sawi chhunzawmin, "Tunah hian football hian khawi hmunah nge min hruai dawn ka la hre thei lo a, hriat lawk theih pawh a ni lo. Club pakhata chet fuh loh vanga beidawng nghal ngawt tur ka ni lo a, he infiamna hi ka nunphunga bet tlat a nih avangin ka kal san thei lo," a ti.