East Bengal-in Do Dong Hyun an hrem

Kolkata club East Ben-gal chuan 2-0 a Aizawl FC an hneh ṭuma mawi lo taka che Do Dong Hyun chu club practice a zawm ve an phal sak lo a, pawisa an chawitir bawk.

South Korean striker hi Aizawl FC nen an inkhelh ṭum hian minute 59-naah lak chhuah a ni a, a lungawi loin dressing-room pan ding nghal mah se koh let niin bench-a a ṭhu tur chuan tui bottle a chhir leh a ni.

East Bengal chuan kum 23-a upa striker chet dan hi club dan leh hrai zah lohnaah ngaiin training a zawm ve pawh hi an phal sak rih lo.

Indian Super League lama NorthEast United tan pawha lo inlan tawh striker hi Calcutta Football League-ah a che ṭha hle a, match sawm a inlanah goal 12 a khung. Mahse, I League
ṭan a nih hnuah erawh beisei a phak lo a, Aizawl FC an hmachhawn ṭum pawh hian a khel ṭha lo hle.

Aizawl FC hian Inrinniah an I League match an khel leh dawn a, RG Stadium-ah North East derby khel turin Shillong Lajong an lo mikhual dawn a ni.