MPL5 khel tur chiang dawn

Naktuk hian Mizoram Premier League Season 5 khel tur club pakhat a chiang dawn. MPL5 Qua-lifier-a hmahruaitu Chhinga Veng-in point ruk an hmu tawh a, point thumin fal tawh mah se Aizawl DFA First Divsion League champion hian Ramhlun North an hneh loh chuan pathumna thleng-in an tlahniam thei a, pahnihnaa awm mek Kolasib club Project Veng leh pathumnaa awm Ramhlun North te hian MPL khel turin beiseina nung an la nei.

MPL5 Qualifier tawp niah playoff beiseina la nei Champhai United leh Project Veng te an inkhel hmasa dawn a, eng result pawh thleng se Chhinga Veng leh Ramhlun North inkhel boruak a la sang tho ang. Vawi khat ṭheuh inkhelh kuala a sang berin MPL5 an khel dawn a, pahnihnain MPL5 Playoff-ah Luangmual FC an hmachhawn ang.

February 9, Thawhlehni

12:00 Noon Champhai United Vs Project Veng FC, Kolasib

02:00 PM Chhinga Veng FC Vs Ramhlun North FC

TEAM DINHMUN

# Team Pld W D L GF GA GD Pts

1 Chhinga Veng 2 2 0 0 5 3 2 6

2 Project Veng 2 1 0 1 2 2 0 3

3 Ramhlun North 2 1 0 1 2 2 0 3

4 Champhai United 2 0 0 2 3 5 -2 0