F1 chhuahsan tur Honda

Formula 1 team ṭha zinga mi Red Bull car engine siamtu Honda chuan 2021-ah car intlansiakna sang ber hi an chhuahsan dawn, hetiang a nih chuan Red Bull leh Alpha Tauri te chuan engine siamtu midang an ngaihtuah a ngai dawn.

Red Bull team principal Christian Horner chuan, "Honda thutlukna avang hian kawng dang kan zawn a ngai dawn, tun dinhmunah chuan kan kal dan tur kan la tichiang lo," tiin an engine hman tur an la tihchian loh thu a sawi.

Tun dinhmunah Mercedes chuan McLaren, Racing Point leh Williams te chu engine an siamsak mek a, team championship lama an elpui Red Bull nen hian an thawkdun ang em tih chu zawhna lian tak a ni.