Mumbai khelmualah Mohun Bagan

Zanin dar 7:05-ah Mumbai FC chuan Mohun Bagan an mikhual dawn a, Cooperage Ground-a inkhel tur hi Ten Action chuan an live ang.

Team pahnih tan zanin an inkhel tur hi insiamṭhatna remchang ve ve a ni. Mumbai FC hi Maharashtra Derby-a DSK Shivajians laka 1-0 a tlawm hlim an ni a, Mohun Bagan hi AFC Champions League qualifier-ah Shandong Luneng laka 6-0 a mualpho hlim an ni bawk.

Tun hnai an inkhel pangaah Mumbai hi vawi hnih chakin vawi hnih an khingpuite an inhnehtawkpui a, vawi khat an tlawm thung. Mohun Bagan hian an match hnuhnung pangaah vawi thum hnehna changin vawi khat an khingpuite an inhnehtawkpui a, vawi khat an tlawm bawk.

I League bika match li an khelh tawhah Mohun Bagan an la tlawm lo a, Mumbai FC hi vawi nga khelhah vawi khat an tlawm tawh thung. Mumbai hneh loh awmchhun DSK hi Mohun Bagan-in 2-0 in an lo hneh tawh thung a, Kolkata club hi an mikhualna ramah an huangtau phah sawtin a rinawm.

Zanin dar 7:05-ah vek hian Bengaluru FC chuan Mumbai FC hneh hlim DSK Shivajians an mikhual ang.