Balotelli beisei sangtu Sinisa Mihajlovic

AC Milan boss Sinisa Mihaj-lovic chuan Mario Balotelli chuan tun aia ṭha zawka a khelh theih a beisei thu a sawi a, mahse Italian srtiker hian hun a la duh deuh a rin thu a sawi tel bawk.

Liverpool aṭanga loan-a Milan zawmtu Balotelli hi a
ṭhâl na vangin thla thum chhung a inkhel thei lo a, January thla khan khelmualah lo kir leh tawh mah se goal khat bak a la khung thei lo thung.

Milan boss Mihajlovic chuan, "Balotelli theihna san zia ka hriat avangin hei aia tam zawk goal khung tur hian ka beisei. Mahse chu dinhmun thleng tur chuan a taksa a tih fit ṭhat zual a ngai thung ang," a ti.

Italy international Balotelli hian kum 2014 khan Milan aṭangin pound maktaduai 16-in Liverpool a zawm a, Anfield-ah beisei a phak loh avangin season khat chhung atan San Siro-ah a kir leh rih a ni.