Hneh loh nei loin kan champion thei ang - Silva

Paris St-Germain captain Thiago Silva chuan tun season-ah hneh loh nei loa an champion theih a beisei thu a sawi.

Les Parisiens hian a zawna a vawi li nan Ligue 1 title an chawi leh tawhah a ngaih theih a, kar tawp khan Marseille 2-1 a hnehin tale-ah point 24 zetin hma an hruai fal tawh.

Laurent Blanc a naute hian league match 34-ah tlawmni hmel an la hmu lo a, tun season-ah match 13 chiah khelh hmabak an nei tawh a ni.

Brazilian Silva chuan, "Tuna kan khelh ṭhat anga kan khel tluang zel a nih chuan tun season chu hneh loh nei loin kan kal tluan thei mai ang. He thil hi kan ti thei a nih ngat chuan a ropui hle dawn a ni," a ti.

PSG hian zanin dar 1:35 hian French Cup last 16 khel turin Lyon an lo mikhual dawn a, League Cup-ah pawh final lut tawhin Lille an hma-chhawn dawn. Hei mai bakah hian Champions League-ah kar leh hian Premier League champion Chelsea an hmachhawn bawk dawn a ni.