Djokovic hian Federer a khum thei ang - Bartoli

Wimbledon hmeichhe single champion pawh lo ni tawh Marion Bartoli chuan Novak Djokovic chuan Roger Federer-a Grand Slam champion zat chu a khum theih a ring.

Swiss thiampuipa Fe-derer hian Grand Slam title 17 la tawhin kawvelah ani aia record nei ṭha an awm lo a, world number 1 Djokovic hian major title vawi 11 a la tawh thung.

Djokovic hian season hmasa khan tennis khaw-vel a thunun hneh hle a, Grand Slam pali awmah final a lut kim vek a, pathumah a champion. French Open final-ah erawh Stan Wawrinka lakah a vanduai thung.

Bartoli chuan, "Tun-laia Djokovic khelh ṭhat dan kan thlir hi chuan Federer-a record hi a khum chhoh theih mai ka ring, dan theih loh khawpa ṭhain a kal mek a ni," a ti.

2013 Wimbledon Champion Bartoli hian Federer-a fan ruhkawl a nih thu leh Swiss thiampuipa inkhel chu TV-ah a la en reng ṭhin thu a sawi.