January transfer-a player lei man mân ber Shelvey

CIES Football Observatory chuan January transfer-a player lut leh chhuak a zirchiang a, an zirchianna aṭanga a lan dan chuan Newcastle United-in pound maktaduai 12-a an lei Jonjo Shelvey man chu a mân ber a, Magpies hian a phu tawk aia hniamin English midfielder hi an lei niin an chhut.

Swansea midfielder hlui man hi CIES chuan pound maktaduai 23.5 vel niin an chhut a, a awmzia chu Magpies hian pound maktaduai 12-a an lei midfielder hi pound maktaduai 11.5 velin an lei tlawm tihna a ni.

Celta Vigo aṭanga pound maktaduai nga vela Atletico Madrid pantu Augusto Fernandez chu a phu tawk aia pound maktaduai 2.48-a tlawm nia tarlan a ni a, Fiorentina aṭanga pound maktaduai 4-a Watford pantu Mario Suarez chu a phu tawk aia pound maktaduai 2.24-a tlawm nia tarlan a ni bawk.

CIES chuan Chinese club Guangzhou Evergrande-in pound maktaduai 31-a Atletico Madrid striker Jackson Martinez an lei chu a phu tawk aia pound maktaduai 18.34-a tam niin an tarlang thung.

Shelvey vangin Newcastle United an che fuh niin lang mah se England winger Andros Townsend-a'n leinaah erawh an che fuh bik lo. Townsend mana pound maktaduai 12 an insennaah Magpies hian pound maktaduai 5.4-in an seng hnem niin CIES chuan a tarlang bawk.

Chinese club Jiangsu Sun-ing-in pound maktaduai 25-a Ramires an lei khan CIES zirchianna chuan Chelsea mid-fielder hlui hi a phu tawk aia pound maktaduai 8.3 a to niin an ngai a, Bournemouth-in pound maktaduai 7-a Norwich City striker Lewis Grabban an lei khan ppound maktaduai 6-in an seng chuang niin an ngai bawk.

Engtinnge an zirchian?

CIES Football Observatory hian June 2009 hnua European League lian pangaa player tran-sfer 1500 aṭangin player hlut zawng hi an chhut. Player tin hi an kum zat, an position, an contract neih dan, hriat an hlawh dan, tawnhriat leh an khelh dan a zirin an hlutna hi an chhutsak bawk.

Player zingah team ṭha pang-ngaia khel leh ram tana regular taka khel phak, tlarhma lam player, an club khelh meknaa con-tract la nei tam leh kum 27 hnuailamte chu hlutna pek san bik an ni.