Bayern nen inbiakna kan nei - Lewandowski agent

Robert Lewandowski-a agent Cezary Ku^-charski chuan Bayern Munich nen contract chungchangah inbiakna an neih thu a sawi.

Poland international hi Spanish Club lian Real Madrid leh French Ligue 1 club hausa Paris Saint-Germain te nen sawi zawm a lo ni tawh a, thla hmasa a Bayern CEO Karl-Heinz Rummenigge-a'n Napoli striker Gonzalo Higuain an ngaihven thu a sawi hnu phei chuan sea-son tawpah German club hi a chhuah-san dawn nia sawi a tam nghal hle.

Mahse, Lewan-dow-ski-a agent Kuchar-ski thusawi chuan he thuthang hi a rawn ti reh dawn niin a lang.

Kucharski chuan, "Robert hi player ṭha tak a nih avangin Bayern leh Poland tan chauh lo pawh ṭha takin a khel thei ang tih chu a chiang. Mahse, Real emaw PSG nen emaw inbiakna a awm lo. Tunah chuan Bayern nen inbiakna kan nei tih ka sawi thei thung a, amaherawhchu thil a la fel loh avangin sawi chian fak theih erawh a la ni lo," a ti.

Kum 27-a upa Lewan-dowski hian tun season-ah a club tan hian inelna hrang hrangah match 29 khel tawhin goal 27 a khung tawh a ni.