Shakhtar-in Basel an sawp

Shakhtar Donetsk-in Europa League quarterfinal-ah harsatna an tawk lo a, Gelsenkirchen-ah Basel 4-1 in an sawp a, semifinal-ah Inter Milan an hmachhawn ang.

Thawhlehni zan inkhelah hian hian Shakhtar tan minute hnihna lekah Junior Moraes-a'n a khunng a, hemi hnu hian a khat mawi tawkin Taison, Alan Patrick leh Dodo ten an khung belh.

Injury time-ah Basel tan Ricky van Wolfswinkel-a'n goal khat khung ve mah se mualpho lutuk tur hliah khuhna goal chauh a ni. Shakhtar hi Ukrainian Premier League-ah an champion a, semifinal lut zingah team nem bera ngaih ni mah se Basel laka an goal khung zat thlir hian zuam ngawt a rem lo ang.