Champions League Club lianten kalphung thlak an duh

Europe khawmualpuia club liante chuan Champions League kalphung thlak danglam duh mah se 'Super League' din tum anga sawi an nihna erawh an pha.

European Clubs' Asso-ciation (ECA) chairman Karl-Heinz Rummenigge chuan Italy, England, Spain, Germany leh France aṭanga team ṭha 20 chiah inelna tur 'Super League' chungchang hi a lo sawi tawh.

He ruahmanna hi an kalpui a nih chuan Premier League club zingah Arsenal, Chelsea, Liverpool leh Man-chester khaw club pahnihte chu sawm tur an ni ang a, hetiang chiah hian ram danga club langsarte pawh sawm bik an ni dawn a ni.

Mahse ECA chuan thu-chhuah thar siamin UEFA nen lungrual taka an thawhho tur thu an sawi a, Karl-Heinz Rummenigge chu mitin huapzo zawnga thutlukna siam a ṭul thu a sawi.

Tun dinhmunah Cham-pions League group stage khelh tumin UEFA hnuaia ram 54 league aṭangin team 78 an inel ṭhin a ni.