Zika vanga buai Kenya

Head of Kenya Olympic committee Kipchoge Keino chuan tun laia hrileng lar 'Zika' chu Brazil-ah a hluar zel a nih chuan an ramin Rio an pan ve loh mai theih thu a sawi.

Infiamna kutpui lian Olympic hi kumin August thla hian Brazil khawpui Rio-ah neih tur a ni a, ram ṭhenkhat leh infiammi ṭhenkhat chuan hri leng vangin he huna inlan hi an hreh niin an sawi.

Keino chuan, "August thla khian Zika hian Brazil-ah a vanglai a hmang ve a nih chuan kan infiammite he hmunah hian kan hruai risk tawp lo ang," tiin an infiammite hriselna a ngaipawimawh hle.

Kum 2012 London Olym-pic-ah khan Kenya hi an che chhe hran lo a, medal 11 ngawt lain David Rudisha chuan 800m-ah gold medal a dawng.