Ronaldo-a'n a contract hman zawh a tum

Cristiano Ronaldo chuan kum 2018 thleng cham tura Real Madrid-a contract a neih lai chu hman zawh a tum thu a sawi.

Portugal captain hi tun hnaiah kum 2008-a amah hralhtu Manchester United leh French club hausa Paris St-Germain nen sawi zawm ṭhin a ni.

Mahse, Real Madrid thiampuipa Ronaldo chuan, "Santiago Berna-beu-ah hian kum hnih dang contract ka la nei mek a, hei hi hman zawh ka duh. Chumi hnuah chuan enge lo thleng dawn kan la hria ang chu," a ti.

Ronaldo chuan sawi chhunzawmin, "Premier League-ah kum ruk chhung ka awm tawh a, Spain-ah pawh kum ruk ka awm leh ta. He hmun hi khawvela league
ṭha ber a ni a, player ṭha leh langsar ber ber nen inelna kan nei hi a ropui hle," tiin La Liga chu khawvela league ṭha bera a ngaih thu a sawi.

Tun season-ah pawh kum 31-a upa Ronaldo hian a Madrid tan inelna hrang hrangah match 29 a khelh aṭangin goal 30 a khung leh tawh a ni.