David Alaba-a'n an coach Guardiola a dah sang

Bayern Munich de-fender David Alaba chuan an manager Pep Guardiola chu 'Football dinthartu' ti hiala fakin a dah sang hle.

Spanish manager Guar-diola hian kum 23-a upa Alaba hi a chhawr kual nasa hle a, defender ni mah se midfield-ah a khelh tir chang a awm.

Austrian international Alaba chuan, "Khelmual chhung-ah chauh a ni lo a, training session-te hi a nuamin a mak danglam zawk ṭhin. Pep hi chuan nikhatah darkar 24 chhung football a ngaihtuah a ni ber mai, ani hian football a rawn dinthar leh a ni," a ti.

Alaba chun season tawp ruala Manchester City pan mai tawh tur manager chu fak chhunzawmin, "Goal kan nawr dan tur leh kan venhim dan tur te hi TV hmangin fiah takin min hrilh ṭhin a, amah kan hriat tirh aiin kan hriat chian hnu hian a theihna san zia kan hmu chiang hle. Tun hmain central defender ka nih theih ka ring ngai lo a, Pep chuan he hmunah pawh hian min khelh tir thei," tiin an manager chu a dah sang hle.