Turan-a'n China pan dawn lo

Barcelona midfielder Arda Turan chu China pan tur anga sawi ni mah se a agent Ahmet Bulut chuan a player chuan China aṭanga sawmtu a neih loh thu a sawi.

Nikum nipui laia Bar-celona zawmtu midfielder hi Chinese Super League club Beijing Guoan nen sawizawm an ni a, Serie A coach of the year pawh lo ni tawh Alberto Zaccheroni enkawlna hnuaia khel mek club hian pound maktaduai 78 velin Turkish mid-fielder hi an ngam niin khawthlang media-te chuan an tarlang.

Mahse, Turan-a agent chuan, "Arda hian China aṭangin sawmna a dawng lo hrim hrim a, chhuah a tum lo bawk. Tunah a ni emaw, nipuiah pawh nise ka player hian Nou Camp chhuahsan tumna a nei lo," a ti.

Chinese Super League hian thlasik transfer-ah player langsar tak tak Jack-son Martinez, Ra-mires, Luiz Adriano leh Alex Teixeira-te ho an la lut tawh a, khawthlang me-dia-te titi tui ber an ni mek.