Aegon Championship-ah Nadal leh Murray

World number 5 Rafael Nadal chuan tun nipui laia khelh tur Aegon Championship-ah a inlan tur thu a sawi a, champion lai Andy Murray pawhin a title humhim tura inlan ngei a tum thu a sawi bawk.

Grand Slam vawi 14 cham-pion tawh Nadal hi Wimbledon inbuatsaih nana an hman ṭhin he inelnaah hian vawi ruk a inlan tawh a, Spanish tennis player hi kum 2008 khan a champion nghe nghe.

Kum 29-a upa Nadal chuan "Grass court tournament Aegon Championship chu khawvela Grand Slam inelna ngaihhlut ber Wimbledon inbuatsaih nana duhthusam a ni," a ti.

Britain number 1 Murray pawh-in June 13-18 chhunga neih tur he hmunah hian a vawi nga nan champion ngei a tum thu a sawi a ni.

World number 2 Murray chuan nikum kum tawp lam khan kumina Grand Slam hma-sa ber Australian Open chu a nupui Kim-i'n fa a nei hnai dawna a hriat avangin a tel loh thut theih thu a lo sawi tawh a, mahse beisei aia an fa neih hun a hma leh tak loh avangin hian inelna hi a hmachhawn thei.

Mahse, kum 28-a upa Mur-ray hian Australian Open-ah hian final lut mah se Novak Djokovic a hneh lo thung. Tun kar tir lam khan Murray te nupa hian fanu thar an nei a ni.