Khatla TBL-ah India captain Bhriguvanshi

Mizoram chhung basketball inelna sang ber Mizoram Super League Season 2 chu February 25 aṭangin Hawla Indoor Stadium-ah khelh ṭan a ni dawn a, nimin khan inter-state leh foreign transfer hun a tawp.

MSL club-ten state pawn player an la lut nual a, chung zinga langsar ber chu Khatla TBL lakluh India captain Vishesh Bhriguvanshi a ni. Champion lai TBL hian MSL1 final-a player pawimawh Pratham Singh an la lut leh bawk.

Shooting guard Bhriguvanshi hi feet 6 leh inches 4-a sang ni-in a captain-na hnuaiah India team chu kum 2008 khan Asian Beach Games, Indonesia-ah a lo champion pui tawh a. Tunah hian Young Cagers tan FIBA Asia Cham--pions Cup ah a khel mek bawk.

Transfer dang

MSL1-a TBL elpui ber Zar-kawt BCA-in Ravi Bhardwaj leh Gary Hill te an la lut. Hill hi Chandigarh lam chhuak niin Punjab junior team tan a khel tawh a, BCA player lakluh zinga langsar zawk erawh Ravi hi a ni. Ravi hian UBA Indian Pro Basketball League-ah Punjab Steelers tan a khel a, Most Va-luable Player-ah thlan a ni.

Zarkawt Serpents-in head coach atan Delhi lam chhuak Arvinder Singh Bawa an la lut a, Assamese player Sahil Sharma leh Prince Chamuah te an la lut bawk.

Tuikual South-in MSL1-a an player Rakesh Sangwan an la lut nawn leh a, point guard sang ṭha zet hi TKS fan zingah an tla na a, an koh duatna chu Tawia a ni.

Mission Veng Vikings-in feet 6 leh inches 9 zeta sang Dishat Shah an la lut. Dishat hian kum 2009 khan Beijing-ah NBA Camp a chhim tawh a, India junior team tan a khel tawh bawk.

MPL2-ah season liam taa table mawngphaha awm Chaltlang Ryders an hmuhnawm dawn. Ryders hian South African baller feet ruk leh inces 9 zeta sang Nichola David bakah Indian player Rachit (6ft 4in) leh Vishal Kuma Gupta (6ft 4in) te an la lut bawk.