Dortmund-in Freiburg an sawp

Bundesliga a an match hnuhnung bera Augsburg an ngam loh hnuin Borussia Dortmund an tho leh ta a, German club hian an mikhual SC Freiburg chu 4-0 ngawtin an sawp. 

Dortmund tan hian striker ṭhangduang Erling Braut Haaland bawk chu player langsar a ni a, goal hnih a khung. German club tan hian Emre Can leh Felix Passlack ten goal khat ve ve an khung bawk. 

Manchester United nena sawizawm hlawh reng Jadon Sancho chu dam lohna avangin a inlan thei lo a, mahse English forward tel loin Dortmund hian buaina an nei lo. 

Signal Iduna Park a fans 11,500 hmaah Haaland-a'n goal hnih a khung laiin kum 17 mi Giovanni Reyna chuan assist hattrick a siam bawk a, Norwegian striker goal thum khung zinga goal hnih chu a siamsak niin Can-a goal khung a siamsak bawk. 

Bundesliga champion lai Bayern Munich chu nizan khan Hertha Berlin nen an inkhel a, he thu buatsaih a nih lai hian result kan hre hman lo.