Knockdown pariat thlenna inhnek hmuhnawm

American boxer Jose Zepeda chuan  light welter-weight fight-ah Belarusian boxer Ivan Baranchyk chu round nganaah a knockout a, boxer pahnih inhnekah hian vawi riat ngawt 'knockdown' a thlen avangin sawi zui a hlawh hle. 

Las Vegas a inhneka tlawm zawk Baranchyk hian round khatnaah Zepeda hi vawi hnih a hnek tlu hman a, second round-ah vawi khat ve ve an tlu bawk. 

Zepeda hian round thumna leh round linaah Baranchyk hi a hnek tlu leh a, round nganaah Baranchyk zawk hian Zepeda hnek tlu hmasa mah se American fighter Zepeda hian insiamṭhain a hnek tlu leh a, Baranchyk a tho tawh lo. 

Kum 31 mi Zepeda chuan, "Hnehna ka chan avangin ka lawm a, chutihrualin a harsa takzet. Boxing hautakzia leh awlsam lohzia ringawt ka ngaihtuah a ni," tiin a hnehna chan chungchang a sawi.