United tan Mourinho a ṭha ber - McCarthy

Porto striker hlui Benni McCarthy chuan Portuguese club-a a pu hlui Jose Mourinho chu Manchester United enkawl tura manager ṭha ber a nih thu a sawi.

Season thar aṭangin Bayern Munich mana-ger Pep Guardiola-a'n Manchester City a enkawl dawn a, an club elpui hi United-i'n an hneh theihna tur chuan Mourinho an rawih a ngai niin McCarthy chuan a sawi a ni.

Kum 38-a upa McCar-thy chuan, "Guardiola tactic hneh theih dan hretu chu Mourinho hi a ni. Real Madrid manager a nih laiin Guardiola enkawl Barcelona kha a hneh fo a, Inter Milan a enkawl lai pawhin a hneh tawh a ni," tiin Portuguese manager chu a dah sang hle.

Porto tan a khelh laia league title pahnih leh Champions League nomawi chawitu McCarthy chuan, "Tun dinhmunah chuan Guardiola enkawl Manchester City hneh thei tur ka hmu lo. Mahse, United-ah Mourinho a lut a nih phawt chuan a player neih tur leh a sum neih dan tur ngaihtuahin Guardiola hi a hneh theiin ka ring a ni," a ti.

Kar hmasa khan Man-chester United thuneitute chuan Mourinho hi Louis van Gaal thlak turin an bia nia sawi a awm a, inremna la awm lo mah se inbiakna erawh tluang taka kalpui a nih thu BBC chuan a tarlang.

Kum 53-a upa Mou-rinho leh kum 45-a upa Guardiola-te hi mana-ger angin vawi 16 an inhmachhawn tawh a, Mourinho hi vawi thum chak zawkah ṭangin Guardiola-a'n vawi riat hnehna a chang a, vawi nga an inhnehtawk.

Mourinho-a'n nomawi 22 a chawi tawh laiin Guardiola hian nomawi 19 a chawi tawh thung.