Bolton Wanderers chairman Phil Gartside a thi

Championship club Bolton Wanderers chairman Phil Gartside chu nimin khan kum 63-a upa niin cancer natna vangin a thi.

Gartside hian Bolton-ah kum 16 chhung chu chairman dinhmun hi a chelh a, chairman a nih chhungin kum 11 chu Premier League-ah an inlan a, UEFA Cup ṭum hnih an khel bawk.

Bolton vice-chairman Brett Warburton chuan, "Vawiin hi kan vai atan ni duhawm lo tak a ni a, Phil hi kum 30 chuang ka ṭhian ṭha tak a ni. A chhungte kan tawrhpui takzet a ni," a ti.

Gartside-a chairman-na hnuaia Bolton hun duhawm ber chu kum 2001 chho kha a ni. Kum 2001-ah hian Premier League a kaipui a, League Cup final chu 2004 khan a hruai thleng bawk.

Club tenau nichungin kum 2004-05 season-ah Premier League-ah parukna an ni a, khatih hun laia Sam Allardyce enkawlna hnuaia Jay-Jay Okocha, Ivan Campo leh Fernando Hierro-te ho an khel kha Bolton vanglai anga ngaih a ni.