Zamalek-in Mido an ban

Tottenham Hotspur leh Middlesbrough forward hlui Mido chu a club enkawl lai Zamalek chuan ni 37 hnu lekah a hna aṭangin an ban.

Kum 32-a upa manager hian kum 2014 khan Egyptian club hi thla ruk chhung a lo enkawl tawh a, kumin January 4 khan a vawi hnih nan an ruat nawn.

Brazilian coach Marcos Paqueta thlaktu Mido hian a match hmasa paliah hnehna chang mah se a match hnu-hnung pahnihah draw result leh chak lo result a nei a, an elpui ber Al Ahly a hneh loh avangin a tawrh phah ta a ni.

Mido hian Zamalek a enkawl hmasak zawkah league-ah pathumna a nihpui a, Egypt Cup-ah champion pui bawkin Egyptian manager zinga no-mawi liantham chawi thei nau-pang ber dinhmun a luah.