Indian badminton Star thar Shivani

12 South Asian Games neih mekah kum 18 chauha upa Gadde Ruthvika Shivani chuan world number 12 Pusarla Venkata Sindhu hnehin women's singles gold medal a la.

Nilainia inkhelah Shivani hian inkhel bul a ṭan fuh lo zawk a, 8-11 in a hnufual hman. Mahse minute 36 an inkhelh hnuah 21-11, 22-20 in hnehna a chang let thei a ni.

South Asian Games-ah Indian shuttler ten badmintion inelna an thunun hneh hle a, gold medal pasarih leh silver panga an la a ni.

Badminton World Federation ranking-a 131-na Shivani chuan, "Sindhu nen hian Hyderabad-a Gopichand academy-ah khan kan lo training dun tawh a, a thiam zia ka hre tawh. Hnehna ka chang thei hi ka beisei ngam ngai lo a, beisei aia ṭhaa ka khelh avangin a nuam ka tiin ka hlim takzet a ni," a ti.

He ram pariatte inelna khawmpuiliana inelna pumpuiah India chuan nimin tlai thleng khan gold 118 la tawhin a pumpuiah medal 198 la tawhin hma an hruai zel a ni.