Sharapova a la dam thei lo

Maria Sharapova chu a ban vei lam na a la dam thei lo a, February 21-27 chhunga khelh tur Qatar Open tournament aṭangin a inhnukdawk.

Tun season-ah Sharapova hi hliam vangin a buai chho nghal a, Grand Slam tournament hmasa ber Australian Open-ah inlan thei ve hram mah se a ban na vang tho hian Brisbane International tour-nament aṭangin a lo in-hnukdawk tawh bawk a ni.

Kum 28-a upa Shara-pova chuan, "Ka hliam vanga Qatar Open ka khel thei lo tur hi pawi ka ti a, ṭha tak leh tluang taka tournament an buatsaih theih nan duhsakna ka hlan. Nakkumah chuan fans ruhkawl tak tak hmaa inkhel turin Doha ka rawn pan theih ngei ka beisei," a ti.

Qatar Open-ah hian kum 2005 leh 2008 khan Russian star hian champion nomawi a lo chawi tawh a ni.

Middle East-a inel-na--ah hian sum fai Rs 17,15,38,001.25 sem ral tur a ni a, hmeichhe ten-nis langsar tak tak Serena Williams, Simona Halep leh Petra Kvitova te an inlan tura beisei a ni a, anni ho bakah hian Australian Open cham-pion thar Ang-elique Kerber pawh a inlan ang.

Ruahman anga a kal a nih chuan Kerber leh Williams te hi final-ah an inhmachhawn leh thei dawn a a ni.