FIFA Technical Directors seminar-ah MFA Technical Officer Danny a tel

FIFA leh AIFF-in Mi-zoram Football Asso-cia-tion-a technical officer tura a ruat, Danny Lalduhawma chu Kerala-a FIFA technical directors’ international seminar-ah a tel mek - he seminar-ah hian AIFF thlan bik state paruka technical officer-te bakah India, Tajikistan, Turkmenistan, Sri Lanka, Bhutan leh Maldives-a technical officer-te leh an technical development consultant-te an tel a ni.

Danny hi Mizo zinga a hmasa ber ni turin tun hnaiah AFC A License course a zo a; tun ṭuma an thil zir hi February 8 aṭanga ṭan niin FIFA-in India ram football tih hmasawnna tura thil kalpui a tum dan zirhona a ni a, vawiin hian seminar hi a zo ang. FIFA aṭangin Jurg Nepfer, FIFA technical development and education-a hotupa leh mi thiam dangte an lo kal a ni.

MFA technical officer Danny chuan, "Thil tam tak kan zir a, an duh ber chu kan tih theih tur ngaihtuah chhuah a ni. Kan tih theih loh tur ṭha tak duan an phal lo a, kan zir tawh chin aṭang ringawt pawhin hmasawnna tur a tam hle," tiin Vanglaini palai a hrilh.

Hetihlai hian FIFA-in AIFF hnuaia State De-ve-lopment Project a buatsaih kaltlanga MFA-a Marketing officer tura a dah Mark Lalduhsaka pawhin a hna a zawm tawh a, February 10-a MFA executive com-mittee meeting-ah FIFA project kalpui tum dante a sawifiah.