Terry-a'n Chelsea a chhuahsan ringtu Willian

Chelsea winger Wil-lian chuan an club cap-tain John Terry chu season tawpah a cham chhunzawm aia a chhuah a rin zawk thu a sawi.

Kum 35-a upa Terry hi season tawp rualin Chelsea-a a contract a zo dawn a, London club hian contract thar an la zawrh loh avangin Stamford Bridge-a chhuahsan tur thu a lo sawi tawh a ni.

Brazilian winger Wil-lian chuan, "Kan hnenah rei zawk cham a duh a, mahse Chelsea player a nih chhunzawm zel ka ring lo tih sawi a ngai ta hi a vanduaithlak hle," a ti.

Willian chuan sawi chhun-zawmin, "Club hian contract thar an zawrh ka ring lo. A career zel tur atana duhsakna hlan hi ka tih theih chhun chu a ni. Chelsea chanchina player ropui ber a ni hial mai thei a, he club tan hian nomawi chawi theih ang chu a chawi vek. Team chhung ami tu pawn kan zah em em vek a ni," tiin an captain chu a fak.