South Asian Games India-in Maldives an hneh

South Asian Games, Guwahati khawpuia neih mekah India U23 football team chuan an match hmasa berah Sri Lanka hneh lo mah se an match hnuhnung zawkah Maldives 3-2 in an hneh a, semifinal an lut.

India U23 tan Udanta Singh chuan goal hnih a khung bakah Pritam Kotal-a'n goal khat a khung bawk. Thawhlehni tlaia inkhelah hian India tan Mizo rawlthar Jerry Mawihmingthanga'n in-khel bul a ṭan a, hun tawp hnaih lamah Lallianzuala Changte chu a tlan lut bawk.

SAG-a footbal inelna bikah hian ram paruk chiah an awm avangin group hnihah ṭhen an ni a, group pakhatah team pa-thum zel an awm. Group A-ah Maldives, India leh Sri Lanka awmin vawi khat ṭheuh an chak a, goal difference-a sang pahnih Maldives leh India an tlang.

India hian Group B-a Nepal, Bang-ladesh leh Bhutan awmnaa group hma-hruai-tu chu semifinal-ah an hmachhawn ang.