AIFF D Licence Course tam zawk

Football club coach ni turin licence neih a ngai a, India ram chhunga licence neih ngai hmasa ber chu AIFF D License a ni. MFA chuan kumin chhungin a tam thei ang ber AIFF D License Coaching Course buatsaih a tum.

Mizoram Premier Lea-gue-a Ramhlun North hruai thlengtu coach Lalruatliana Sailo (Tawia)-in AIFF D Licence Instructors Course a paltlang tawh a, Tawia hi AIFF D License Coaching Course buatsaih kawngah a pawimawh ang.

AIFF D License nei lo tan AFC C Certificate Course a zir theih tawh lo a, hei vang hian MFA hmalakna hi coaching lama tui mi Mizo ṭhalaite tean ngaih thah chi a ni lo a, course hmasa ber hi kum tir lama buatsaih hman tum a ni.