United hruaitute an lungawi lo

Manchester United-in zanin dar 6:15 hian Stadium of Light-ah Sunderland an tlawh dawn a, Louis van Gaal-a hoten result ṭha an hlawhchhuah loh chuan Jose Mourinho leh Red Devils hi nasa leh-zualin an sawi zawm ang.

Dutch manager Van Gaal chuan, "Kan result-ah hian club neitu Glazer chhungkua leh chief executive Ed Woodward te an lungawi lo a, kei pawh ka lawm lo. Amaherawhchu kan result ṭhat loh vang hian min thlakna tur coach hi an zawn ka ring lo, club neitute nen kan inkar a ṭhat avangin zawng se chuan min hrilh ngei ang," tiin United a la enkawl zel tur thu a sawi.

A lungawi loh thu sawiin Van Gaal chuan, "Media lamin uar taka an ziah avangin vawi thum vel chu min ban hial tawhin ka hria, tunah hian Mourinho leh United an sawi zawm a, nakinah chuan manager dang nen an la sawi zawm ang," a ti. Dutch mana-ger hian supporter-te fuih-pawrhtuah Paul Scholes a puh a, United pla-yer hlui hian a êng zawng-in thlir se boruak a dan theih thu a sawi tel bawk.