NBA All-Star Game vawi 65-na

NBA All-Star Weekend chu tukin zing aṭangin Toronto, Cana-da-ah ṭan a ni a, United States pawna All Star Game an vawi khat khelhna a ni.

Tukin zing hian All star celebrity game, All star party leh Rising star chhallenge te neih a ni a, khawvel hmuh châk erawh Pathianni zinga neih tur All star skills contest niin hemi hma hian D-League all star game khelh a ni bawk ang.

All star skills contest hi Pathian-ni zing dar 6 aṭanga ṭan tur a ni a; Slam Dunk Contest, Three-Point Contest, Skills Challenge leh Shooting Stars Competition te a awm ang.

NBA All-Star Game vawi 65-na hi Thawhṭanni zing dar 6:30-ah khelh a ni dawn. Eastern Conference-ah Dwyane Wade (Miami Heat), Kyle Lowry (Toronto Raptors), LeBron James (Cleveland Cavaliers), Paul George (Indiana Pacers)leh Carmelo Anthony (New York Knicks) ten bul an ṭan dawn a, Western Conference lamah Stephen Curry (Golden State Warriors), Russell Westbrook (Oklahoma City Thunder), Kobe Bryant (Los Angeles Lakers), Kevin Durant (Oklahoma City Thunder) leh Kawhi Leonard (San Antonio Spurs) te chu starting five tur an ni.