Rafael Nadal a lo kir

Australian Open first round-ah Rafael Nadal tla nghal mah se clay court-a khelh ṭhin Argentina Open-ah a inlan zui a, a match hma--sa berah khawtual tlang-val Juan Monaco a hneh.

Buenos Aires-a in-khel-ah champion lai Nadal hian darkar khat leh minute 38 chhungin 6-4, 6-4 in hnehna a chang. First round-ah Nadal hi a bye a, quarterfinal-ah Paolo Lorenzi a hma-chhawn leh dawn.

World number 5 Nadal season hmasa khan Grand Slam title a la miah lo a, mah se Buenos Aires, Stuttgart leh Hamburg-ah te a champion thung.

Spanish thiampuipa Nadal hian tennis a khelh chhungin title 67 a la tawh a, heng zinga 14 zet chu major tournament title a ni.