Bengaluru hmaa ding tur Mohun Bagan

Zanin I League inkhel turah Bengaluru FC chuan Mohun Bagan an mikhual dawn a, Indian football-a inkhel ngaihven hlawh hi zan dar 7:05-ah Ten Action-ah live in a en theih ang.

Bengaluru-in Mohun Bagan an hmachhawn hma an inkhel hnuhnung berah DSK Shivajians chu 4-1 in an sawp a, an phur vanglai tak a nih avangin hmachhawn an chakawm lo ang.

Mohun Bagan erawh AFC Champions League Second qualifying round-a Shandong Luneng laka 6-0 a an tlawm hnuin ngai an la awh leh lo a, player ṭha zawk nichungin Blues an hmachhawn hma inkhel hnuhnung berah Mumbai FC chu goal khung loin an inhnehtawkpui.

League match nga an khelh tawha tlawm hmel la hmu lo Mohun Bagan tan zanin hi insiamṭhatna remchang a ni thei a, Bengaluru tan league nomawi chawi tura an elpui ber ni thei Mohun Bagan kawng dalna remchang a ni bawk.