Australian Open a pangngaia neih beisei

Coronavirus vanga buaina a ziaawm hleithei lo a, nakkum January thlaa khelh tur Australian Open pawh dinhmun hlauhthawnawmah a ding hman. Tournament director Craig Tiley erawhin harsatna nasa lutuk thleng loa an khelh theih a beisei.

Craig Tiley chuan, "December thla aṭangin player a duh apiang chu an rawn zin luh theih nan hmalak kan tum, hun rei zawk cham duh leh thleng hma duh tan kawng kan hawnsak dawn a ni. Chu chuan kawng hrang hrangin player tan awlsamna a siamsak kan ring.

"Lawmman pawh tihhniam tumna a awm lo, a pangngaia kaltlangpui theih kan inbeisei. Fans hi 400,000 vel an pungkhawm ṭhin tlangpui a, season thar ami tur pawh hi kumin October thla aṭangin ticket hralh theih kan beisei," a ti.

Tennis season kal laiah pawh Australian Open chauh hi Grand Slam pali zinga an khelh awmchhun a ni rih. January thla khan Melbourne Park-ah khelh niin, world number 1 Novak Djokovic chu a vawi riat nan a champion.