La Liga Kartawp inkhelah club lian inlan kim dawn

Zanin La Liga inkhelah Real Madrid an inlan dawn a, zan dar 8:30 hian Santiago Bernabeu-ah Athletic Bilbao an mikhual dawn.

Gary Neville-a enkawl Valen-cia chuan Espanyol an mikhual dawn bawk a, league match-a chak hmel la hmu lo Neville-a tan tlawm nawn a thiang tawh lo.

Pathianni zan dar 10:45-ah Atletico Madrid chu Getafe khelmualah an leng lut dawn a, Barcelona-in zan dar 1:00-ah Celta Vigo an mikhual thung ang.

Real vs Bilbao

Club pahnih lo intawn tawhna thlir chuan Real an chungnung zawk. La Liga-a Bilbao an hmachhawn hnuhnung 12-ah vawi sawm hnehna an chang a, vawi khat chiah a tlawm zawkah ṭangin vawi khat an inhnehtawk.

Mahse Athletic Bilbao mana-ger Ernesto Valverde chuan, "Statistic thai chhiat hi kan nuam tih zawng a ni a, thil lo thleng tawhin awmzia a nei lo. Real hneh tura beisei kan ni lo a, chu chuan kan tan erawh awmzia a nei lo," tiin Zinedine Zidane-a enkawl team a hlau lo.

Real Madrid tan Gareth Bale inhliam mah se Cristiano Ronaldo leh Karim Benzema-te an la awm cheu a, Athletic-in tun season-a goal 25 khungtu kum 35-a upa striker Aritz Aduriz an nei thung.

Valencia vs Espanyol

Gary Neville-a'n Espanyol lakah a team a chakpui zo lo leh a nih chuan a dinhmun a him tawh kherin a rinawm lo.

English manager hian a team chu dinhmun harsa aṭanga a khaichhuah tur thu a sawi a, a thusawi thlen dik tir tur chuan zanin aṭanga bul a ṭan a ngai ang.

Valencia khelmual Mestalla-a team pahnihin league match an khelh hnuhnung 14-ah Valencia an chungnung zawk a, vawi 11 chak zawkah ṭangin vawi hnih an inhnehtawk a ni.

Getafe vs Atletico

Atletico Madrid-in la Liga-ah pahnihna dinhmun an luah mek a, an chung chiaha awm Bar-ce-lona chu vawi khata khel tam zawk chungin point thumin an phak lo mek.

Barcelona kaltluan lai a nih avangin Atletico-in champion an tum a nih chuan chetsual a thiang dawn lo a, Catalan club dinhmunah an innghat thui viau bawk.

Getafe leh Atletico inhma-chhawn hnuhnung 10-ah Atletico in vawi riat hnehna an chang a, vawi hnih an inhnehtawk.

Tun hnaiah chhuak tur anga sawi reng Antoine Griezmann leh Saul Niguez-te'n Atletico an chhuahsan loh tur thu an sawi a, hei hian team tan phurna nasa tak a siam ngei ang.

Barca vs Celta

Barcelona tan Celta Vigo an mikhual hmain chanchin lawm--awm a awm a, an thiampuipa Lionel Messi chu a kal (kidney) ṭha lo vanga a chawlh hnuin club training a zawm leh tawh.

An player neih dan leh thiam-na enin Barce-lona hi chak tura ngaih zawk ni mahse tun hnaia an result-ah erawh Catalan club hi inchhuang thei bik an ni lo.

Team pahnih an in-hma-chhawn hnuhnung pa-thum-ah Celta-in vawi hnih hnehna an chang a, Barca-in vawi khat hnehna an chang.

Nou Campa-a an inhma-chhawn hnuhnung berah Celta-in 1-0 in hnehna an chang a, Celta Vigo khelmuala an inhmachhawn ṭumin mualneitu hian 4-1 in Barca hi an sawp thung.