Gonzalo Higuain a inringtawk

Napoli striker Gon-zalo Higuain chuan Inrin-ni zan dar 1:15-a Serie A champion lai Juventus khel tura an chhuah hunah chiai loa inkhelh hmachhawn tura a inpeih thu a sawi.

Argentina interna-tional hian league goal 24 khung tawhin Juve chhuanvawr Paulo Dybala aiin goal 11 zetin a khung tam rih.

Juve hian a zawnin league match 14 chhung hnehna an chang tawh a, an club record thar an siam. Tun hnaiah an khingpui apiang an hneh thei ang maia ngaih a nih avangin hmahruaitu Napoli hi an chiai mai ring an tam hle.

Real Madrid forward hlui Higuain chuan, "Football hi hun rei tak chhung ka lo khel ve tawh a, inkhel hautak tak tak pawh ka lo hmachhawn tawh avangin Juve lakah pawh hian buaina chhan tur awmin ka hre lo," a ti.

Serie A-ah Napoli hian point 56 hmuin hma an hruai mek a, pahnihna Juve nen hian point hnih chiaha an in thlauh avangin zanin inkhel result hi a pawimawh zual dawn.