West Ham-ah Payet cham dawn

Tun hnaia chhuak tur anga an sawi West Ham midfielder Dimitri Payet chuan Upton Park-a kum nga leh a chanve dang cham turin contract thar a ziak.

Kum 28-a upa midfiel-der hian season ṭan dawn khan Marseille aṭangin West Ham hi pound maktaduai 10-in a zawm a, beisei phak baka a chet ṭhat avangin Hammers hian 2021 thleng an hnena cham turin contract thar an ziahpui ta a ni.

Kar khata £125,000 hlawh tur anga tarlan France international hi West Ham co-owner David Sullivan chuan player-a lei tawh zinga ṭha ber a nih thu a lo sawi tawh.