Nadal an dal leh ta

Rafael Nadal chuan a champion nomawi a humhim zo dawn ta lo. Inrinni khan Dominic Thiem hneh loin Argentina Open semifinal aṭangin a tla.

Australian Open first round-a a chak loh hnuah world number 5 Nadal hian a season bul ṭan chhiat nawh reh tumin Buenos Aires a pan a, mahse final lut zo loin world number 18 Thiem lakah 4-6, 6-4, 6-7 in a chak lo.

Grand Slam vawi 14 champion tawh Nadal hian chak turin hun ṭha a hmu a, set thumna an khelh lai hian 5-4 niin match point a hmu hman. Amaherawhchu ATP top 20 ranking zinga naupang ber kum 22-a upa Thiem hian a pawt thla a ni.

Kum 29-a upa Nadal chuan, "Inkhel hautak tak a ni a, chak turin hun ṭha pawh ka nei. Mahse ka hman ṭangkai theih loh avangin ka chak ta lo a ni. A pumpui thlir chuan Thiem khan a khel ṭha hle. Ka khelh danah lungngaihna tur awm hranin ka hre lo a, unforced errors ka ngah lutuk erawh ka insiam
ṭhat a ngai," a ti.

Spanish thiampuipa Nadal hian clay court tournament-ah bik title 47 zet a la tawh a, tun
ṭumah erawh a inkhelh thiamna hmun clay-ah ngei a hlawhtling zo ta lo a ni.

French Open cham--pion vawi kua ni tawh Nadal hian Bra-zil khawpui Rio de Janiero lamah inelna a hma-chhawn chhunzawm ang.